Al-Hilal ka shkaktuar befasinë më të madhe deri më tani në Kupën e Botës për Klube, duke e mposhtur ish-kampionin e Evropës, Manchester City.

Sauditët fituan me rezultat 4-3 pas vazhdimeve, shkruan Arbresh.info.

Ndeshjen e nisi më mirë për “citiziens”, pasi kaluan në avantazh pas nëntë minutash, dhe e mbyllën me këtë epërsi pjesën e parë.

Mirëpo Al-Hilal, tregoi fytyrë tjetër në pjesën e dytë, ku e riktheu ndeshjen. Marcos Leonardo me të filluar etapa e dytë barazoi rezultatin. Kurse, Malcom gjashtë minuta më vonë i dha epërsinë e parë skuadrës së Inzaghit.

Nuk vonoi shumë dhe Erling Haaaland barazoi shifrat në 2-2 në mintuën e 55-të. Koha e rregullt u mbyll me këtë rezultat.

Edhe në vazhdime golat nuk munguan, me sauditët që kaluan edhe një herë tjetër në avantazh pas golit të Koulibalyt në minutën e 94-të.

Dhjetë minuta më vonë i inkuadruari në lojë, Phil Foden barazoi pas një asistim nga Rayan Cherki.

Por në skenë u shfaq edhe një herë Marcos Leonardo i cili e kaloi në avantazh sërish skuadrën e tij në 4-3, pas 112 minutave të luajtura.

Deri në fund të vazhdimeve gola tjerë nuk pati dhe Al-Hilal arriti ta eliminon Man Cityn dhe të kualifikohet në çerekfinale.

Në rrethin e tetë më të mirëve, skuadra e Inzaghit do të përballet me Fluminensen e cila eliminoi befasisht Interin./Arbresh.info

BEST CLUB IN THE WORLD. 💙 pic.twitter.com/Sl1YL1RGLN

— AlHilal Saudi Club (@Alhilal_EN) July 1, 2025